Vor í lofti á Laugum

 

Í gær, 4. maí, var góð stemning í sumarveðri á Laugum.  Krían var meira að segja mætt og sveimaði yfir Reykjadalsánni.  Nemendur tóku endasprettinn í náminu léttklæddi úti á torgi og kokkurinn grillaði lambasteik í hádeginu. Það var bjart yfir Reykjadalnum og skólastarfinu.

 Framhaldsskólinn á Laugum er heimavistarskóli í einni af fallegustu sveitum landsins. Þar er mjög góð aðstaða er til náms, félagslífs og íþróttaiðkunar og heimavistaraðstaða við skólann með því besta sem gerist á landinu.

Kennt er á fjórum námsbrautum í skólanum sem bjóða upp á marga möguleika í framhaldsnámi eftir stúdentspróf. Í skólanum er öflugt félagslíf. Einnig er öflugt leiklistarlíf á Laugum en nemendur taka þátt í uppfærslum leikdeildar Eflingar.

Athugasemdir

[Guðrún Emilía Guðnadóttir, 6.5.2010 kl. 06:47]

Blessaður Þórir, tek undir þetta og bara til hamingju með að hafa tekið þátt í yndislegu starfi þessa skóla.
Ætíð jafn gaman að koma í heimsókn og ekki skemma góðu veitingarnar hjá Kristjáni kokk.

Kveðjur frá Húsavíkinni
Milla