Stjórnmál 21. aldarinnar

Mikið er um stjórnmálaskýringar á blogginu nú í aðdraganda kosninga. Mér finnst sem fjórflokkakerfið, sem Jónas Jónsson frá Hriflu er aðalhöfundur að, lifi enn góðu lífi.  Ég trúi því að stjórnmál 21. aldarinnar muni áfram snúast um hugtökin vinstri og hægri, en að við munum sjá fleiri víddir og áherslur.  Umhverfismálin eru reyndar að koma sterk inn síðasta áratuginn og vísbending um þátttöku minnihlutaópa í stjórnmálum sást fyrir þessar kosningar.  Aldraðir og öryrkjar settu sig í stellingar en hættu við. Ótrúlegt hvað leiksvið stjórnmálanna hefur lítið breyst í heila öld.   

Athugasemdir

[Ragnar Bjarnason, 10.5.2007 kl. 00:30]

Er þetta ekki bara dæmi um framsýni Jónasar. Annars er það finnst mér áberandi núna hvað þrýstihópar, ekki síður en minnihlutahópar eru að blanda sér meira inn í umræðuna. Kannski fer að koma hér vísir að alvöru "lobbyisma".

Svo er það nú þannig að þrátt fyrir að ekki hafi mátt minnast á hægri og vinstir fyrir nokkrum árum að þá er það nú bara þannig að átakalínur stjórnmálanna koma til  með að liggja um þann ás í framtíðinni og menn hafa meðtekið það aftur. Staðan í dag er hins vegar þannig að hlutrirnir hér á landi eru hálf flatir á þessum ás og ekki um raunveruleg baráttumál þar að ræða virðist vera.