Kjördæmamót í bridge á Ísafirði

Helgina 19.-20. maí spilaði ég bridge á kjördæmamóti á Ísafirði.  Gaman að því og ég hitti marga gamla kunningja, aðallega af Austurlandi.  Ég hef ekki oft átt leið til Vestfjarða, kom þangað síðast sumarið 1999;  Brá mér allverulega við að rifja upp íbúatölur í fjórðungnum.  Greinileg fækkun frá þeirri landafræði sem ég lagði síðast á minnið.  Annars var gaman að ferðast um Djúpið og gista í sumarbyggðinni á Súðavík.  Þarna ætti maður auðvitað að koma oftar.

Athugasemdir

[Hermann Aðalsteinsson (IP-tala skráð) 27.5.2007 kl. 23:19]

Sæll Þórir, og til hamingju með blogg-síðuna.         Það er alltaf gaman að koma til Ísafjarðar.  Arngeir á Helgastöðum var líka á Ísafirði þessa sömu helgi að kenna Ísfirðingum að glíma. Ég veit ekki hvernig það gekk. Fólksfækkun á vestfjörðum er auðvitað vandamál sem hefur staðið áratugum saman. Þegar ég bjó á Tálknafirði 1990-94 þá var íbúafjöldinn á Patreksfirði c.a 1000 og á Bíldudal 350.  Í dag eru íbúarnir um 700 á Patró og 220 á Bíldó ef ég man þetta rétt.   Líklega fækkar þeim enn á næstu árum.  Ég er reyndar ekki hissa, því það var ömulegt að búa þarna.