Af hverju ætti Ísland að sækja um aðild að ESB?

Lítil umræða varð um aðild Íslands að Evópska efnahagssvæðinu þann 1. janúar 1994.  Málið var samþykkt í heild sinni á alþingi og varð aldrei kosningamál þótt aðdragandinn væri langur. Allmargir urðu þó til þess að fara fram á þjóðaratkvæðagreiðslu og má þar nefna Samtök um óháð Ísland, sem gáfu út blað sem hét Útvörður, ef ég man rétt. Hæglega hefði mátt gera lista með fleiri hundruð rökum með og fleiri hundruð rökum á móti EES samningnum. En umræðan var slöpp.  Ennþá slappari er umræðan þó um hugsanlega aðild Íslands að ESB. Þar hafa sárafá rök, með eða á móti, verið til umfjöllunar.  Stjórnarsamstarfið er í hættu ef ég skil rétt; en fáir stjórnarliðar þora að tjá einlægar skoðanir sínar, þannig er flokksræði lýðveldisins Íslands orðið.  En með hvaða rökum ætti Ísland að sækja um aðild að ESB, leyfist mér að spyrja?  Er það til að taka upp nýjan gjaldmiðil, sem tekur óratíma fyrir Ísland, eða til þess að flytja inn ódýrari matvæli, sem er úrelt sjónarmið í ljósi atburða haustsins? Eða til að yfirþjóðlegt vald leysi af hólmi duglausa stjórnmálamenn? Eða hvað? Ég tek ofan af fyrir þeim sem reyna að gera lista um kosti og galla í svo stóru máli sem þessu. Þá fyrst má eiga upplýstar og yfirvegaðar umræður um kosti og galla. Ég tel að þetta hljóti að verða þverpólitískt mál og að það eigi að fara í þjóðaratkvæðagreiðslu með það eftir góðan undirbúning.

Athugasemdir

[Vilhjálmur Árnason, 22.12.2008 kl. 10:25]

Fyrir mína parta er þetta bleyja fyrir flokk sem er algjörlega búinn að kúka í buxurnar.

Esb er algjör mistök að mínu mati.

Og að tala um að það sé betra fyirr almenning og viðskiptalíf er uppgjöf að mínu mati.

Það sem verður að gerast hér er umbylting í Íslensku samfélagi,þar sem við öll vöknum.

Listinn minn er alveg skýr.

Að framselja fjármagnslegt vald sitt til evrópu er algjör vitleisa.

Við verðum að móta peningamálastefnu sem er sjálfstæð og til heilla verkafólks almennings og sparifjáreigenda.

Það er best fyrir alla. Líka atvinnurekendur. Og fjármagnseigendur.

Vitræn peningastefna með raunverulegum verðmæturm.